مقادير الحشوة
كاستين رزمصري او مكسر
نص كيلو لحمة مفرومه مدهنه
ملح
نص ملعقه صغيرة فلفل اسود
ملعقة طعام كمون مطحون
ملعقة كمون حب مغسول
ملعقة طعام عصفر(ورس)
ملعقة صغيرة كركم
نص ملعقه صغيرة محلب مطحون
ملعقتين زيت نباتي
يغسل الارز وتضاف باقي المكونات عليه مع كاس ماء وتنقع
بالوقت الي بتنقع الحشوة والرز واللحم يتشرب النكهات
طنجره عالنار فيها ماء حتى يغلي
نكون نزعنا الجزء السفلي من الملفوف بهالطريقه
ونسلق الورق بهالطريقة
وكيف نعرف انه خلص انسلقت ونشيلها من المي
نحاول نطعج عرق الورقة السميك بهالشكل
واذا ماانكسر معناها تمام جاهز
وهيك مع باقي الورق
حتى ننتهي منه
ونتركه يبرد ونقطع الورق بهالطريقه
ونبلش نحشي ونلف
ونكون مجهزين طنجرة الضغط او طنجرة عاديه ونصف بقلب الطنجرة العروق اللي شلناها من الورق المسلوق وفوقها اللحم بعضمه او ريش لحم او دجاجه كامله الي بتحبوه و(ممكن نستغني عنهم )ومكعبين دهنه اذا ماضفنا اللحم
ونص الورق الملفوف
ونضع عليها ثقل ( صحن وطنجرة صغيرة عليها او ابريق مي مايكون ثقيل كثير بس حتى مايفوش الورق وومكن استبداله بثقل من الفخار اذا موجود)
عشان مايفوش ونضع المي حتى تغمرها وملح ونعناع وخمس فصوص ثوم
و عالنار حتى تغلي ونغطي الطنجرة نص ساعة لطنجرة الضغط
وللطنجرة العاديه مدة ساعه على نار هادية
بهالوقت نغلي كاسة سماق حب ونصفيه ونفتح الطنجره بعد الاستواء ونضع المي السماق وملعقه صغيرة حمض الليمون او عصير 3 ليمونات ونتركها تغلي 5 دقايق ونطفي عليها
وتقدم بعد تصفية الملفوف من المرق
بالهنا والشفاء
ليست هناك تعليقات:
إرسال تعليق